Yoga Hot 1

好似第一次星期六下午上堂。。。

可能平時聽慣dom dom 聲的英文上堂，今日聽返正路香港人英文上堂，感覺好怪！仲要係平時印度人上堂都唔會講好多的印度terms，今日反而聽到好多。。。真係好多。。。感覺上全部印度文的尾音都係sana…….

原來無日式的堂，剩做動作真心悶。。。

題外話１：今日見到兩位狼虎之女，兩個入課室前一個個導師咁品評，而且佢地係每一個導師的堂都上過。。。仲詳細到邊一個導師會去「指正」同學都一一知道！連點去指正都有詳細研究！一講到後生／靚仔的就仲high。。。　入到課室後佢地繼續研究導師們，殊佢地都要幾個人殊先肯收聲！
依佢地分享(?)今日上堂的靚仔(?)導師（今日放假無帶con，上堂時又無帶眼鏡，所以靚唔靚仔就睇唔到啦！）係好少會指正同學。。。。。。囉！

題外話２：之前見到的gothic嬸，今日又係吹頭化粧室見到。。。真係配服佢可以大盒細盒準備好，上返一個全粧先走人！

by