自製乳酪
pp痕！
眼見食／用開的純味乳酪愈來愈貴，xmas前就手多咁買左部乳酪機。
機，其實好平，以食／用的需要揀左500mm內膽機。拍賣場上的機，90%都係mic之餘仲係兩腳插，反正玩下，就買最平果一部， $75即係等於買４盒多d。
乳酪機有一個熊鼻做型的指示燈。。。
放左係枱成個星期，終於都開封！成部機一個button都無，只係插電就熱，keep住係40度左右。呢個溫度同香薰電爐個溫度又差唔多喎。
跟住menu指示，準備好鮮奶和乳酪。需時２分鐘就完成！
- 用滾水浸任何會用到的器具，包括膠容器，匙等。
- 鮮奶(周太買了全脂鮮奶！好月巴)煮到微滾就熄火，做底埋巴斯德消毒未殺死的菌。待涼至40度左右，我無溫度計，大約模落個煲覺得有d暖就得。
- 2-3湯匙原味乳酪先放入膠容器，用匙整開佢地，慢慢加入鮮奶。
- 溝勻無起粒就可以放入乳酪機，插電，搞掟！
昨晩９點開始整，今早８點熄機。
一開蓋見到都成左形，唔錯。睇落其實似牛奶布甸，可能放耐左，比想像中硬左少少。
跟手放入雪櫃，lunch後拿出來食，感覺不錯。味道無左平時買原味的甜味，反而鮮奶味更香，試下加蜜糖，都ok。今晚試加入平時食開的生果，又ok 喎！不過出水情況比買返來的出得快，要食得快d 先得啦！
今次都算成功，下次可以試用蒙牛奶、脫脂奶、豆漿等，睇下邊個最好味！
。
。
。
。
。
。
其實見唔少人分享，唔使買機都可以自製到乳酪的方法。。。。。。。機又買左，整多幾次回本吧！
請問自製乳酪機在那裡買, 我在香港住. 謝謝
jenny, 我係yahoo! auction買的，不過都幾年前買啦