計劃2017
退休不知時日過， 而家先來計劃2017年都唔會太遲，目標set 在農曆新年前吧。 首先帶一本靚靚筆記簿， 記住要夠文青夠靚，拎上手有份量（好扮野呀！）。 帶住去食飯，特別係你自己一個人外出用膳的時候，收埋電話，飯前飯中飯後乜野時間都可以打開本簿寫呀寫。。。 寫下自己想做乜， 寫下有乜進修大計， 寫下唔鐘意自己乜，寫下有乜事業上的轉變轉機， 寫下同家人朋友戀人的各樣。。。 寫寫寫， 又諗諗諗，慢慢今年的計劃初型就出來了。。。 有了目標大計， 仲要幫佢grounding返，落返地， 點樣慢慢一步步開始， 呢個先係困難第一步， 真係做project 一樣， 由零到有， 點樣開始點樣經過點樣完結。 今個1月的飯就繼續扮文青同自己心靈對話吧。
halo december
話咁快又12月。。。 計一下今個月只係工作半個月， 然後有外遊，回來再family day。。。 然後就進入2017年了！ 巫婆手帳ready，工作手帳ready，私人schedule ready。。。 2017 i am ready!
話咁快又 2016年 5月
「話咁快又 XXX 」系列都算出場幾高的句子。 每一年，每一季，每個月都可能出現一次。。。 返工放工帶來生活的無力感， 慢慢令人忘記自己想做應做要做的事。 然後又發現， 一個月一季一年又過去， 無力感就繼續擴大了。。。