mc donalds 至尊漢堡
難得星期六有半個鐘時間食lunch, 想食 mos burger, 不過人龍太長，唔知排幾耐先有得食，所以就去mc記！ 菜多左無咁肥的感覺，不過件牛就都係乾左Ｄ，仲大大隻字話多肉汁！ 不過最難得撞中茨條剛炸好，新鮮上枱！咁就變左茨條係今餐最突出的一樣啦！ 而方食個mc記，埋單都近$30! 好貴呀！ Read More
最近好想食。。。
都係因為食到唔好食嘅野，所以就更加懷念好好味嘅野！ 印尼餐廳（禮頓道果間！） ﹣ 唔好同我講佢地變得難食，但已經比銅鑼灣另外幾間印尼餐廳好食啦！ 我要飲正宗珍多冰，沙嗲，加多加多，仲有唔係白色的椰汁雞！ 都係懷念佢地個舊飯桶同埋塊竹葉加埋Ｄ舊裝修，氣氛一絕呀！ 巨龜莊 ﹣ 好想食忟牛肋骨呀！ 當吉 ﹣ 我半年未無食過啦！ 好想食炸乜炸物呀！ cova, zoe -呢半年食過的蛋糕真係數得出咁少呀！ 好想食cova個芒果豬屎同埋zoe個哈哈笑！ 盛八 ﹣ 好想食燒牛肋骨+ 牛舌 + 牛牛牛！ 和民 ﹣和風pizza, 炸雞軟骨。。。 馬姑羅月見 ﹣ 雖然係cheap野，但香港想平平地食到馬姑羅月見實左係無咩可能！我好想食若貴呀！ 愈講愈遠，愈數愈多。。。返學真係返到out哂！ Read More