橄欖油浸蒜頭

想整好耐，終於有個星期日得閒D可以整。

簡單到喊，失敗機會應該接近零。

1. 先在鍋裡放橄欖油，然後放入切好的一堆蒜頭。
2. 火爐個火開到最細最細最細， 然後不時搞拌。不過小心爐火細到自動熄左，新款爐具會有自動切氣，舊款的就小心漏氣然後炸左間屋（都可以用焗爐，但我未試過，可以參考松露玫瑰的油封蒜）
3. 小心油溫過高，如果熱到好似炸野般勁多泡泡，咁就熄一陣火焗一焗佢，過一陣又開返。
4. 約45-60分鐘後，用筷子督下，督得穿即係變軟便可以熄火了。
5. 變涼後就可以連油帶蒜頭放入玻璃樽，再放入雪櫃。

油同蒜頭都好香，兩樣都食得。

食麥包時可以點蒜香味橄欖油和黑醋，或直接叉一粒蒜頭入去一起食！食沙律時又可以做沙律油，超香呀！

1 comment