曾德榮 vs 朱增祥

最近幾個月肩頸膊幾常痛，小毛病出現得愈來愈多，就係時候去整整佢！

先想起朱增祥，不過要當日一早打去排隊加上要撞手神，最後都係試下朋友介紹的曾德榮。

預約幾日就排到隊，去到診所都等左50分鐘先到。係房外等候時，不時聽到房內傳出慘叫，都實在令人唔知驚定笑好！

第一個感覺係：朱醫師走老中醫風格，說話不多，全憑經驗去醫治，病人的日常生活影響都沒甚過問。

曾醫師就走現代中醫風格，即係口水多，不停問病人問題時，自己又多野講。特別係第一次去完全唔知次序手法，聽得instruction時個人又要郁來郁去做動作。所以十幾分鐘的治療只記得不停轉來轉去，同埋身上每一個關節都係拍拍有聲！

餘下仲排左3次期，希望長短腳，肩頸膊痛早日解決！

1 comment