最近在忙幾件事

最近在忙幾樣完全唔同的事，不過忙得好開心就係囉～！

香薰的二三事， 開始多左朋友分享佢地開始想找出問題的根本， 去根治佢。 唔係唔信西醫， 只係自己都相信有好多病係由情緒引發出來。 治標不如先治本。 傾計多左， 發覺大家都面對唔少問題， 只係平常唔會無啦啦同其他人分享。 咁有香薰呢個topic 出現左， 大家都願意分享多左。  所以繼續努力， 自己除左做緊人體實驗， 最緊要大家都俾多D feedback!

執倉的大件事。 自從搬出來後，係舊屋附近租左個倉來放書。 最近加租 30%，咁就係時候來個了斷啦。  先要執返而家間屋，騰出空間，迎接新貨囉。 一堆史前留下的VHS， 都送去堆填了。 一堆書開始係facebook 各大二手group post 下， 睇下有無有心人接佢地返屋企， 好過就咁扔左佢地。

Detox 更大件事。 回暖後做左一次長期淡食去迎接甩左幾年的肝膽排毒， 開左個靚頭咁今年夏天就繼續埋佢。  試來多菜走肉， 不過肉還是可以吃一點， 以海鮮為首， 白肉紅肉就隨緣地食少少吧。  跟住又試埋Toxout 和 detox 果汁， 希望快快找到一個輕鬆的 detox flow吧。

5月好快過，好快Q2 又完結了！