登富士山後，我想講。。。

網上有大量資訊，我都無謂寫篇長文自high， 不過都想寫少少提下自己下次要點準備：

• 出發前一兩晚要瞓得好， 充足體力好緊要。
  上富士山的路有三條，日本人話最易行係吉田， 都唔算老點， 起碼易行過屋久島， 不過預留充足時間俾自己行上頂都係好重要。 特別係初頭乜都可以影 （好天的話），行下停下， 好多人話6 個鐘就會到， 我都行左7個鐘先到。。。 可以的話早D 起步。
• 新宿直達五合目的巴士好快 full， 定好日子就早早book 巴士。今次坐9 點的巴士，去到五合目都11:30，休息下，食登山飯， 買記念品、去神社， 拖到 1315 先出發。。。 最後2000 先到山上小屋。。。
• 只租左腳套（平時係香港行山都唔會用得上）， 租的關係，顏色都係亂來。。。 搞亂左個行山LOOK囉。
• 防水防風好緊要，可以的話GORE-TEX風褸、鞋、back pack、帽、手套。。。 有幾多買幾多。。。 遇上大風大霧大雨的天氣，只能夠話下次要上多一次富士山。
• 帶密實袋。。。 銀包証件重要野都入袋。。。 特別係無rain cover 的時候。。。
• back pack問朋友借，應該無30L， 不過放左好多野：
  • 便利店膠袋： 用來裝自己製造出來的垃圾。 山上無垃圾桶， 一張紙巾都要自己帶走。
  • 雨褸：山上陰晴不定， 似我咁預上大風大雨又大霧的時候，雨褸可以幫你保持乾爽， 減低體力消耗。
  • 之前唔少blogger 教要帶大量100 yen ，以備途中各個級印仔，廁所等不時之需。。。
    除左廁所係不設找續之外（五合目上山前食店內收100yen， 公共廁所就唔使錢。上山後，每次200yen，咁你計下自己兩日要去幾多次囉。。。 ）， 山間小屋賣野、級印、住宿費都係有得找續。。。。 所以100 yen 真係帶10 － 15 個就夠哂。
  • 保暖水樽：300ML 都夠用，太大會變重， 一早出門口係山上小屋買兩支熱茶倒入去， 一路攻頂都仲有熱茶飲。
  • 寶礦力 ／ 水 1支，沿途乜都有得賣， 貴過山腳少少就俾佢啦，震興經濟同埋保留體力比較重要。
  • 替換的衫一套：包括 leggings， 面褲， 長袖tee ， 面tee， 毛巾、 襪 。。。 話天氣涼爽無出汗就唔好信， 去到小屋用濕紙巾抹下身再換返套乾淨衫都係一件好事。。。 唔係UP 住又濕又臭咁訓幾粒鐘真係對唔住自己。
  • 個人用品： 花水、化粧棉 2 -3 塊、 face cream、 臉 + 身體用油、 防曬。 唔好諗住有得洗面， 水係山上好珍貴，同埋唔知乾唔乾淨， 所以我只用花水抹臉，再用返face cream + face oil 就完成。至於做乜要用油， 其實無落雨天氣係乾燥的。。。
  • 香薰油： 作為香薰治療師， 身度帶幾支油係好正常的事。。。 當然有長期陪伴的自家阿婆油， 然後仲有一支為左上落山用的massage oil。。。 比平時係香港會有事前事後油簡化了。抹身後當然即按腳再拉筋。
  • 相機： 2 部， Olympus TG 850 + Contax T3。。。 話說大霧時拎出，T3 凍到唔識郁的時候，心裡只能暗小一句，然後拎返Olympus 出來囉。。。
  • 保暖衣物：冷帽、 羽絨、 頸巾、 暖包2個。。。 五合目約16-18度，去到八合目半夜再出發的時候，得返1度。。。
  • 氧氣筒： 朋友係tokyu hands 買到， 好輕身，對抗高山症唔少得佢。

by