追趕功課！
初頭心思思諗住俾Ｄ野自己讀下，上堂先知會有大量功課，不過做功課做得好開心，忙碌又是另一回事！ 而家手上有４份功課要係無deadline壓力之下完成，對於我呢種追趕deadline的人都幾大挑戰！ 一日無deadline, 得閒就加加減減份功課，睇下書又改下，返工得閒又諗下，總之一日未交一日都可以改嘛！ 無了期咁改，都應該俾個deadline 自己，咁件事會簡單d! 唔使成日心掛掛要去睇下又改下！ 做溶解實驗 媒介油 精華油 顧客咨詢 追趕deadline 呢Ｄ生活實在很煩厭，有時候有些工作以外的事真係要定到咁死先會迫到自己做決定？ 唔定又好易變成衰心軟啦！ anyway… 功課係要趕，大家有無性趣去睇3d 版 ナイトメアー・ビフォア・クリスマス Read More
有結果
俾預期快有report睇！ 高係高左，e生好似無咩反應，我就覺得高左好多啦！ anyway, 急的人只有我自己，多謝大家的關心，為何會在這個時候發病我到而家都諗唔明，不過身體對我有抗議，我都只好乖乖又調節下我的起居習慣！ e生開左藥，聽講話有人會敏感，如果痕／出疹就要停！ 因為我講起有缺鐵性貧血加紅血球偏細後，又係學校驗左血， 仲要照超聲波，最後寫左信轉我過政府醫院！ 一日內要接觸咁多醫療野，第一個感覺係，所有人都唔願聽我講野／問野！ 打去化驗所約時間，好似我阻住佢午睡，問多句都唔願答！ 大佬，我俾錢你公司，你咁做野，係咪似住人客一定要幫襯你而俾面色我睇先！ 跟住到醫院，第一次打去，問到專科電話，佢好好心提我佢地食飯時候，遲Ｄ先打去！ ok, ２點幾打去，阿姐語氣中覺得我煩啦，只係問下要點排期呀，點俾信佢地呀！ 最好笑係佢話一至五收五點，但叫我唔好５點咁遲先到！ 言下之意即係怕我阻佢收工啦！ 之後問佢 fax 野俾佢後幾時有回音，佢又好話我唔俾時間佢地做野！ 我只係想講，無人想病，我有病心情都嘛嘛地，醫療人員可唔可以用正常Ｄ的態度對病人！ 真係無病都俾佢地激到有病！ anyway, 要放鬆嘛，1d lavenda + 2d grapefruit Read More
安全使用香薰油
茶樹油可致敏 歐盟關注安全 用於化妝品暗瘡膏 港有發售 周不時都見新聞有講香薰油的使用問題！ 次次都講到好似好大問題，但其實都係user 亂用再加奸商亂賣，咁原來可以功效好好的香薰油都講到好似好危險咁！ 我愈來愈明點解以前羅校長成日都好勞氣係鬧亂來的同行囉！ 因為商人包裝到好似好casual的用品，加上賣的唔專業用的又唔多小心，所以先會有危險出現。 講開濃度，用落身同用上面都有唔同濃度要求啦！ 唔知街度賣緊香薰果幾個集團會點陪訓員工去賣野呢？ ５ml base oil + 1 drop 香薰油係叫 1% 濃度，用係面最好keep < 0.5%, 用係身就1-3%都ok, 但老人家，大肚婆就不能用太濃度高的香薰產品！ 小朋友就更加唔應該用，用前最好問下醫生意見！ 呢個濃度只計用落身， 平時用香薰爐點就唔關事！ 不過如果要在家／公司點都要小心！唔好成日覺得無味就不停咁加，其實一滴香薰油的成份都要慢慢發放出來， 無味唔等於已經揮發完！ 不過如果有幸買到支”好香”，香到幾個鐘都仲last度果陣味，咁果支油就真係唔多似係天然啦，似係人造香料多啦！ 話時話，讀完個aromatherapy diploma 後我都講下呢個topic啦！ Read More