Hatha Flow 1
工作中間剛好可以攝一課yoga，難得是今日遇到好老師。就係一個會話你知動作那部份出錯的導師。
日式重新指導一次，加上平時每堂都會做的左右拉腰，都講得清清楚楚每個動作用到的肌肉，還有就是指出99%同學會錯的位置！
兩週後的Ashtanga Yoga
今天的熱身做得不好，特別是右腳！ 很多手的支撐動作，簡直是死穴！然後單腳的動作右邊做主力時總是做得不好，有少許想抽筋的情況出現！ 有些動作是最近早晨yoga時會做到的，不過還加上幾次快速日式，果然效果會更佳！要快點加強手臂的力量啦，今日做side plank pose時手震震，仲要take easy option。。。 今天還遇到一個很gothic造型的嬸嬸！黑甲，黑長髮，黑貼身褲，黑色貼身背心（背後仲要有十幾條帶），再加埋佢個smokey eye…真係差一對６寸斗零漆皮鞋就total look！
改動一下早上的yoga 動作
連續了一個月的早上yoga, 效果不錯! 雖然是短短的10-15分鐘, 喚醒一下身心, 對緊接一天的工作來個熱身!
一個月來, 通常的動作都比較簡單, 開始有點悶，那就加點難度吧！
瑜伽解剖書：解開瑜伽與人體的奧祕
係誠品，一見到呢本書就唔想放手，由解剖學開始講，連呼吸，細胞運作都有提及。每個動作，有詳細解釋用到邊組肌肉，有進階動作，有肌肉示意圖，同平時真人相都幾大分別。起碼了解更多動作和肌肉之間的關係。不過文字真的很多，一個動作真的要睇好耐先睇哂一堆字，仲未計理解到當中的所有意思。或者應該帶去上堂，做動作可以睇下圖片做參考。
瑜伽不只是宗教、藝術，更是一門科學！
261幀醫學工筆繪圖 重塑你對瑜伽與人體的想像！
hatha yoga
維持一星期一堂的yoga, 我想努力一點，也要有時間！ 每次上堂，周圍的人都好Q多野講，明明大大隻字叫大家靜！大家都好開心咁交換上堂／工作／朋友消息，上yoga class, 唔係要靜靜地咁上嗎？試過幾次連導師都開聲，都係無人理，咁鐘意講不如唔好上堂住，係出面講飽先啦！ 今日堂hatha 係multiple level, 預左難，好多一字馬同上臂動作，簡直係弱項全攻擊！難得去到我最拿手的head stand… 突然有個同學係周圍又上又落，佢有無理過咁近我仲要係度試上試落會幾危險？ ９０分鐘的堂果然係甘，不過活動量先夠！
Ashtanga multi-level
恨到了！ 90分鐘的勞動堂！ 70% full 的班，很多手部要powerful 的動作，正是我要多練習的地方，還有平衡動作和拉根動作！ 動作當然難，意想不到的姿勢！ 全晚做得最滿意的動作又是head stand? 很難明白，這麼多人的堂，一堆人不停向上向下跌再試來試去，其實動作的危險性都幾大，真係幾驚！ 特別我無去牆邊做，如果前後左右的人跌過來，我都會一起跌！
Hatha Yoga (multiple level)
其實最近都有個個星期去最少一堂yoga, 不過實在太無聊，存在的問題依舊！ 難得今日去上新班，hatha yoga… 仲要係multiple level, 導師一上堂都好好咁問我係咪真係上到，佢話因為係advance 喎！ 仲問下我學左幾耐呀，上過咩班呀。。。 草草答完就上堂啦！ 其實又真係好想同佢講，叫佢唔使驚，反正會自己adjust動作嘛！ 動作速度較慢，但重覆很多次！ 日式也有幾個variation… 做不到的動作當然先看看再試試，慢慢做慢慢hold… 最後有我好耐無做的head stand… 做完成個人醒哂！ yoga 課我真的比較想90分鐘一堂，可以慢慢做，今天這堂75分鐘，加上人少少，而且過半是skillful 的學生，所以看不到導師，看其他同學感覺也真的不錯！ btw… 運動完沖涼後，在我locker 過幾個有個好坦蕩蕩的女士！她對自己身材有500%信心！ 一絲不掛在鏡前騷首弄姿，在轉圈！真的，那一刻我知道她想大家的目光可以停留在她身上，是她引以為傲的body… 但實情是行過的女生都趕緊把目光轉移或轉一下頭部！ 不過那種扮高級的更衣室四面都是鏡，只差頭頂和腳底沒有，頭轉去那方也會折射看到啦，避無可避！ 我沒她的勇氣，而且又不會樂於跟其他女生分享我的肉肉肉，其實有吉的更衣室就在面前…
Day 24: Ashtanga Yoga
遇上年尾，最近活動比較多，連yoga 的上課也一拖再拖！ 愈久沒做，筋骨就愈緊，加上又忘了動作，所以就需要專心集中啦！ 今天前面一排遇上一個偽鬼婆！ 100% 華人外型，但做做下會又shit又damn… 仲要露出後面條t back 邊！ 最驚嚇位就係做某d 有少少難度的平衡動作，大家hold ８下，佢可以hold ２下就成個人跌落地下！ 真係好似暈低果隻跌法！ 好在佢向前少少跌，唔係實撞跌埋我！ 如是者幾個動作佢都咁一下跌落地，導師都無理佢啦！ 最疑問係，咁跌唔痛咩？ 正常人(?)做呢類動作都會好小心慢慢來令自己平衡！
Day 19: Hatha Yoga
煩的同學經常遇上！ 好想叫佢地收口！ 講返個class, 呢個鐘數的班通常都少人D, hot除外！ 今日主要係慢動作，hold 加拉根！ ok 啦！ 比上一堂好，起碼肉無咩痛！
Day 8: Power Yoga
很久沒上power yoga, 這種似擔泥的運動，我其實不太理解，只知每個動作都在挑戰人體極限！ 太多push up, 轉腰，提／分腿，各樣各樣。雖然上課前導師有問過有無人第一次上佢堂，不過其他有話係第一次上power 的同學仔，上堂見到明顯好吃力，好多時做一半就停左！ 班上人多左少少，都好似有15-18個左右，不過好勁的同學係佔左大半班！ 簡直係大開眼界！