SCANNING 繼續進行
終於可以開工scan 果堆菲林。 今日第一次scan positive ，感覺比negative好多了！真正的WYSIWYG。。。 以後可以多影slide，襯仲未停產的日子。 每次細心睇相，特別係明顯的地平線，已經小心的看水平，總係微微的向右傾了一點。。。 下次要再注意一下啦！
寫在2013年第一日
有開始就有結束，2012年話咁快又完左，係時候來一個小總結！ 工作 ﹣ 驛馬星動的一年！9次的出門，馬來西亞、泰國、台灣仲有廣州！呢堆trip最大得著係學識好快咁執行李執得井井有條唔會亂。最緊要仲係搬 office 事繼續出現。 影相 ﹣ DC 賣出了，而家係一部digital都無，要digital就只有電話！夢幻的xpan 30mm 終於當生日禮物送左俾自己，不過實在好對佢唔住，因為佢長住係相機櫃內。scanner 終於出現了，不過成年都只係scan左一筒咁大把。 旅行 ﹣ 2012年無大志地係去左日本兩次，不過一次關西一次關東。兩次都有各自mission，都係咁有意思。 live ﹣ 估唔到咁豐富的一年！香港睇左好多，日本又睇左估唔到會再睇到的Raphael，真係唔死仲有新鮮事。 身體 ﹣ 無大事，不過要注意一下特別係腸胃肝膽。
煩完一樣再一樣
東京之旅，原來仲有十幾日就出發。 演唱會飛叫先定下來，6日睇3場，都係近年難得的密集！本來一心睇Raphael，最後係一票難求之下，天使睇到一場都真係bonus，茨城小子就唔覺意睇兩場Event！ 剩下的一個full day，要好好的安排！ 跟住又係經常要煩的問題：帶邊部相機出發？ 新的30mm回家兩個月其實都未出過街，或者明天先出動一下，熟悉下個重量。或hea hea地帶45mm 就算？ 或再hea d，帶細機仔呢？ 仲有兩星期去諗！
生日月話咁快就完結了。。。
話咁快，2012年剩返三份一。。。 今年生日月過得好好，多謝周生周太朋友同事們的愛護，更加要多謝自己諗都唔諗就bid左支30mm返來，完成多年夢想。。。 今年餘下的三份一時間，購物quota都用盡了，大家見我買野就stop我吧！
Welcome Home, Contax T2 Black
新成員回來了！本來都無打算買返T2，不過賣左GXR就身痕，而且以呢個價錢買返full set T2 Black ，仲連Data Back，咁就真係咪走雞！
Project 365 for 2011
仲有兩個星期就完結的2011，回顧一下今年自己的Flickr，不難發現，自從唉瘋／電話不離手後，相片的format由以前的XPAN, 3:2, 4:3 都轉成1:1了。 final review 留返年尾，剩返的幾日都繼續努力的影影影吧！ 今年用得最多的iphone app係 instagram, hipstamatic…
終於試到XPAN 30mm
拖左幾個月的菲林，終於沖出來了。 除左柬埔寨相之外，仲有上次橫瀾島的30mm vs 28mm的相！ ↓ 呢張係借用才子的30mm Xpan影的。菲林係Agfa Vista 100. ↓ 呢張係同一筒內，用返我支Leica 28mm Angulon影的。 室內好暗的關係，XPAN30mm其實快門真係慢，咁Leica 28mm其實係開到最大的2.8，同30mm的5.6相比真係大左幾級！ 色來計，Leica較合心水，但整體來計，當然係30mm win兩條街！ 係時候儲錢買30mm啦。 本來諗住買一支賣一支，不過Leica 28mm的顏色同操作感又其實唔錯，先留住吧！
