Welcome Home, Contax T2 Black

新成員回來了！本來都無打算買返T2，不過賣左GXR就身痕，而且以呢個價錢買返full set T2 Black ，仲連Data Back，咁就真係咪走雞！

比較一下T2, T3的包裝，你會發現T2都仲係錦盒型式，像寶貝一樣的珍而重之。。。

回想一下T3的包裝，全紙的簡約型，拆拆下就變成幾塊紙版。諗極都唔明部相機做乜會咁貴！

T2 仲有不難發現細心位，連手帶都有長短俾你揀。。。。貼心到佢呢。。。

好，集齊Compact 家 4兄弟影返張相！

體積由細至大，上至下排列好，第一部係Minolta TC-1， 然後到Contax T3 Black， 跟住係Fujifilm Natura Black F1.9，最後當然係新仔上場的Contax T2 Black。

講真，交收第一下發覺，T2你好大部同好重。。。 回家拍一拍埋其他兄弟先發覺，重量係重少少，體積又係大少少，不過都係四四方方好揸手型！

anyway， 4部相機3部裡面都仲有菲林。

T2 就係入手當天入菲林，其餘TC1 同埋T3呢。。。。真係唔記得幾時放入去啦。。。

或者快快影完去沖左就真相大白了。