Olympus E-PL1 vs Panasonic GF-1

E-PL1出左一陣，終於有機會拿起真身玩下。（本來有少少打算旅行前買新相機，跟手賣左GF-1。）

廣告主打的白色版，想睇下真身都難，行左幾間店問，都話白色賣哂，sales都叫你去望下display果架白色囉！

咁最後都有拿部銀色來試下，一上手，第一個感覺係膠。剩下一個轉盤，操控比EP-1差少少啦，不過其實GF-1都係得一個轉盤，不過各樣的user interface就真係GF-1順手少少。不過整部機的手感（唔計膠的問題）係比EP-1順手，起碼手柄位真係有用。其他function都無慢慢去試真，唯一記得係focus的速度同EP-1無乜大別，focus時總係有少少前後走一走先中的感覺。

最不friendly係今次kit set只能跟zoom kit lens！

上次賣掉EP-1的最主要原因都可以話係指kit 鏡累事。係咪我太耐無用zoom 鏡所以唔習慣呢？支鏡可唔可以改良到唔使unlock先影到相呢？每次開機見到句warning其實都幾驚下，每次都會諗下係咪支鏡鬆左呢！？

anyway，今次都係帶GF-1去旅行吧！唔使再三心兩意了。或者去旅行時如果見到body only的時候可以諗諗佢，反正有幾個adapter係度，用cctv又好，福仔15mm都好，都係不錯的配撘。可以諗諗黑色，不過同EP-2一樣，條銀邊好un眼呀！