免費data roaming…

先係出發前突然有一日收到3 send 來的promo sms。平時收到呢d　真係睇一眼都覺花時間，delete了事。第一次收到promo sms會覺得好合用！對，就係呢個話有日本free data roaming的SMS!

初時覺得有點騙人，又問下同行的3台友，佢地又無收到喎，咁就打電話去問下，就算之後3反口都仲有個電話錄音做証據！睇左個website好多次，又打左好多次電話，CS終於有人聽。SMS是真的，free也是真的，只要記住4月11日要停止使用，咁就唔會有任何收費。

對於任何一個在香港隨意拿出電話就上網的iphone user，出門時拿出iphone發覺所有要上網工作的app都給你一個error message，那種失落同埋唔順手實在好難受。所以今次這個free data roaming實在令未出發先性粉的指數又加兩度。一想到在日本都可以gmail, plurk, map, 甚至update blog… 還想到一些平時不會想的plan b。。。

好了，到日本後，在iphone內選好指定網絡供應商就試試上網。感覺暢順，email, plurk, flickr也很好，就在坐車往酒店的途中，收到第一個驚嚇的提示SMS！我只係好casual咁check下email，upload左一張相，plurk左一下，咁就$537!?!? 果一下真心驚左一下，明明跟哂指示set，無理由要收錢！

不過damn sure自己無set錯後，當然繼續用。如是者，第二日收到更驚嚇的SMS！其實已經好少拿電話出來，只係upload相，plurk，email左一下，甚至facebook都無上，咁就$2233！

果一刻我有諗過，係咪要申請個一日任用data plan呢？話哂都$16X一日架，用７日的話，仲貴過沖果十幾筒XPAN菲林。最後當然無申請，而呢類驚嚇SMS又無再收到，咁當然繼續用到第六日先收手。

返來後都有諗過，如果真係收我錢，點算好？以我的用量，一KK咁收的話，應該會過萬！我買的旅遊保有無得claim呢？點樣打去CS同佢理論呢？。。。

不過回來後忙足咁多日，都無再去理過呢件事。直至前兩日終於收到月結單，心頭大石可以放下了。data roaming真係free，比平常多的錢都係因為send SMS的關係。。。即刻放心哂！

如果以後都有呢類free data roaming送我旅行時用，我真係會諗諗繼續用3唔轉smartone囉！

4 comments