Plastic Tree TOUR2011「アンモナイト（大）～亜細亜編～」香港公演

話咁快，阿哥第二次香港之行又完結了。晚機來早機回的3日行程真係辛苦哂！

這個場地好的是向下斜，幾後都睇得清楚，加上音響終於都似返D 樣，Miso Good JOB！唔似九展每次睇完都耳鳴咁差。不過燈光就係敗筆啦，為左就返台個projection，人面的燈少得可憐！明明係一頭頂都係燈，最後用左的唔知有無1/5!

今次好似係the wall第一次係香港搞live，好多台灣用開的方法都照搬過來，work 唔work就見人見智。

賣票方法混亂就一定係，初頭先宣佈係urbtix賣，然後開賣當日又靜雞雞係facebook『公佈』奇怪的入錢方法。拿票方法又係另一個問題。。。

香港唔同台灣，台灣the wall有自己地方，好多野都方便好多，而且都運作咁多年，當然無大問題。或者下次the wall 係香港搞live 要找個信得過的人係香港統籌。

今次係零宣傳之下可以full house，the wall都真係袋袋平安囉！

借用袁總編的相一下。。。入場前要收電話相機呢個做法日本台灣都好流行，不過今次見the wall 連膠袋都由台灣空運過來實在好有心，最有心係用完的膠袋佢地真係整理返好帶返台灣，一個都無浪費！真係俾個like佢地！