台灣飯堂

差不多每個月都到台北一次開會， 工作後當然最重要係醫肚， 係緊密的行程， 其實來來去去都係果幾區。 經常有朋友問台灣有乜好食推介， 如果想貼近台灣民情， 可以到愛評網， 當係香港的 open rice 用就係了。

無大志又經常去的有:

1. 喫飯食堂
   台式小菜一流， 必吃炒豬肝， 山雞腿！ 只收現金， 大約9點鐘last order， 要去請早。  多人的話可先book 枱， 人少的話要排隊等下啦。
2. 上引水產
   港人熱點， 地點就唔近捷運， 要轉的士。 只收現金， 去到衝入去拿飛仔先慢慢行超市， 人齊先入得。 女仕們換返平底行先好去， 立食分分鐘由等食到食完要企3個鐘。
3. 瞞著爹
   台灣朋友介紹， 有幾間分店， 位置有點隱秘， 但係微風廣場後面就是了。  每間分店都有唔同的日式食材主題， 火鍋先訂位， 其他可以walk in。
4. 無老鍋
   去台灣又點會唔打邊爐！ 先打電話訂位， 價位唔平， 不過食物OK， 湯底幾重藥材， 小心過補流鼻血。 一舊屎豆腐必吃。
5. 咖啡弄
   香港聽講排大隊， 台灣唔使點排隊， 好唔好食就睇彩數。 試過中招， 應該話quality control 未做到最好， 每次食到的格仔餅都唔同口感。
6. Dazzling
   店內男待應生比香港女生還要斯文！！！ 食物賣相唔錯， 可愛系少女啱口胃。 多士焗得比香港的類似cafe 更香更脆更肥  （大量牛油嘛。。。），2 個人share 一個都夠哂數。
7. 無名子清粥小菜
   其實係公司附近， 大安站行過去約5-10分鐘。 有時食太多要清腸胃， 其實都有好多餸菜可以揀， 絕對唔會口啖啖。