日本無事回來了 – 第一日落機急行

2014年第一個 so call 不用工作的外遊，5日的大阪入東京出青春之旅終於完結了。

相機今次同行的是 Contax T， Xpan 30mm F5.6。 菲林都係雪櫃隨手拿到的， 記憶中有 Kodak, Fuji, Agfa。  連上次巴黎的份， target 是5月中可以影埋機內餘下的菲林拿去沖， 然後再 target 2014 年內可以SCAN 好見街囉。

為了爭取最多的外遊時間， 零晨機當然是首選！

上機係坐滿人的經濟客位當然睡得不好， 不過還好接著有機場巴士直到酒店， 叫做可以補眠多一小時。

食完月巴到爆的 eggs’n things 後， 自己一個走左去万博公園睇太陽の塔， 順便又行下公園吸下負離子。

唔知幾時開始， 係日本的時候， 隨了各大景點和血拼熱點外， 都加左唔少公園行。 日本的公園， 草地可以任瞓任行， 而都唔少家長會帶小朋友係公園野餐和HEA 大半日。

遇上有開花的日子， 公園簡直變身大家的聯宜好地方。 小朋友， 一家人， 甚至老人院的院友都會係公園唔同角落自得其樂。 今次去到已經係櫻花的水尾， 當90% 的樹都開完花長出新綠， 餘下仲有花的 10% 樹底就成為最搶手的位置。

Flickr Osaka + Tokyo Set