日本期間限定哈跟大師怪味 (?) 雪糕

日本的一星期， 天氣除左熱， 都仲係熱！

襯住哈根大師日本的特別版， 併屎命食左5 個期間限定味道。。。 大家最近去日本可以試下！

脆皮蕃薯批

做功幾好， 起碼拆出來係完整一舊。
底面的威化， 紫色扮蕃薯皮的朱古力皮都真係好脆， 真係每一啖咬落去都係拍一聲！
味道算係正常， 像真度幾高， 且甜度剛好。 由便利店都未行到返酒店已經食完， 一晚食兩件都無問題！

栗子

似係雲尼拿雪糕內夾有栗子蓉！  少少偏甜。
質感唔錯， 特別係栗子蓉唔係雪到死實， 下次去日本仲有的話可以食多杯。

檸檬薑

雲尼拿雪糕夾雜住檸檬薑的雪芭， 仲有少少薑絲係裡面。 雪糕雪芭軟硬度剛好， 唔會硬到食唔到。。。
兩者份量比例約 3 （雪糕）:1 （雪芭）， 檸檬的酸味剛好， 所以呢個唔覺太甜。

白桃 raspberry

睇live 前係便利店食到的， 一打開白桃味勁香， 不過食落又係雲尼拿味雪糕。
raspberry 味初頭勁出， 不過愈食愈似士多啤梨味果jam。。。
無quota 的話， 呢個可以skip。

 車厘茄

其實食完唔知自己食緊乜野味的雪糕。。。 頭兩啖有少少 V8 雜菜汁味。。。
但係愈食就愈 lost。。。  都係果句， 無quota 可以skip。