環保酵素
浸酵素真係會上癮的。
整左幾次水果酵素， 收成後會令你繼續想試唔同水果組合的酵素味道， 又會開始留意下酵素有關的食譜。 係挑戰麵包用的酵素之前， 又來試下環保酵素。
要造酵素，隨便上網 search 一下都有詳細的背後理念、過程、注意事項等都有要幾詳細有幾詳細。
蕃石榴酵素收成
沒有加水，蕃石榴和冰糖為1:1 的比例。 浸左2個幾星期後，開始有酒味，過多一個星期就變得愈來愈杰，全程20日，今日就收成了。 總結一下，今次係第一次浸到出酒味，依然係每日攪拌2-3次，無封口，不過杰到核都分唔到。。。。
波蘿檸檬酵素
星期日才做正經事！雖然都要忙新年賀年食品。。。
今次整左兩個單項，一個係出名最勁酵素含量的波蘿，第二個係出名可以減肥的檸檬。
準備過程無異，不過買生果要小心，特別係超市，其實生果未必係新鮮，有時仲放到發霉。買檸檬時特別留意頭尾，係welcome 揀左10個，有9個都帶有少少霉！
蕃石榴蘋果香蕉水果酵素收成
天氣凍，今次用蕃石榴蘋果香蕉整的水果酵素都浸左3個星期先收成。
左面的是今次的收成，顏色偏近淡黃色，可能係蕃石榴的關係，酵素較杰身，而且蕃石榴的核係浸左20日之後，變到好硬！ 不過果香真係無得輸。
水果酵素 冬天版
之前睇書有提及溫度太低不利酵素生長，最佳溫度係20-25 度。
不過新屎坑當然唔聽話，XMAS前後得十幾度的時候都照落手整啦！真係的，整開係停唔到手的！
整水果酵素都簡單，生果可以隨意組合，不同的糖整出來都有不同效果，最好玩係每人整出來的酵素都唔一樣，所以最緊要係多整多試多組合一下。
水果酵素
原來最近水果酵素超紅，好多朋友都有整。。。
我反而係上次台灣誠品買左本書 － 愛上水果酵素手作好料: 81道料理．輕食．點心．飲品 フルーツ酵素エキスできれいになるレシピ81 就開始整第一罐。