環保酵素

浸酵素真係會上癮的。

整左幾次水果酵素， 收成後會令你繼續想試唔同水果組合的酵素味道， 又會開始留意下酵素有關的食譜。  係挑戰麵包用的酵素之前， 又來試下環保酵素。

要造酵素，隨便上網 search 一下都有詳細的背後理念、過程、注意事項等都有要幾詳細有幾詳細。

份量大約是 1份糖： 3份果皮 ： 10份水。

糖我就隨手拿起家中的紅糖就算， 有不少人鼓勵用黑糖， 說其科學成份比較少。

果皮就隨手拿起橙皮， 蘋果芯， 蕉皮。 有說蔬菜等有機的植物也可以用得上。 切細粒少少，更容易塞入膠樽內。

水就是一般香港的水喉水， 都無特別過慮， 直接入樽。

膠樽一個， 有蓋可以密封就是了。 樽口大比較容易放入果皮菜渣。 樽身厚一點更佳， 因為初期酵素的活躍情程真係嚇你一跳。

以上面張相果兩樽為例， 去到第2日的時候， 大約要每5-6 小時要打開樽蓋疏疏氣， 每次打下的時候， 樽蓋都會『啪』一聲， 而果下聲係勁過開汽水樽。 特別天氣開始轉暖， 酵素嘔出的氣體真係想像唔到的多。

而家等3個月先有收成， 我估我都係每2-4 個星期就會加一樽， 屋企唔同角度出現愈來愈多一樽樽的野， 真係夢遊時要小心唔好食錯或搞錯佢地呀！