2017做左乜？

一年容易又年尾，結算一年， 做左D乜？

工返左兩份，遠離市區的工，繼續還返之前咁多年的銅鑼灣區。 日日180度海景再加大草地， 閒時曬下太陽， 呢D環境真係對於巫女的生活有好大幫助。

雪滑左一次， 對於手腳不協調的人， 呢個算係年度大挑戰， 仲要一滑就三日， 雖然第一晚有想放棄的念頭， 最後都係滑足三日， 跟埋上雪山。。。

live 運不錯，貴精不貴多地睇左恆常組合，日本又唔覺意去左5次，有無咁要出走？ 有，絕對有。live 都係有得睇就好睇多幾場， 自己有心有力都要rocker 有心有力玩俾你睇。

對唔住相機櫃的兄弟們， 今年好似無帶過佢地去威。。。 年尾哈蘇突然出個xpan 專用adapter 都真係嚇一嚇，唔通真係時候要轉digital back？ 不過價位高到諗都唔使諗， 都係繼續菲林機吧。 30mm 同 45mm 你地兩個要等我呀。 或者係時候幫相機櫃減下磅？

學返左少少， 星座讀左幾個module，不過實左唔慣同學們， 先停一停。 Sekhem 係年尾前完成左， 繼續努力練習就係 了。 水晶課都乖乖的做了實習， 然後好掛住張按摩床！ 明年POET 繼續努力了。

Yoga 今年真係多謝一班可愛同學們的推動， 終於由one center 轉做 all center。 mysore 由一星期一次，變成一星期三次， full primary series 都算記熟哂同埋可以個半鐘自己做完。 返工前的mysore 真係意志力的挑戰， 特別係寒冷的早上。。。 衝出香港去大阪揾Rachel 老師上堂， 真係好要去到邊都做yoga 囉！ 動作方面都係主要同自己交待， asana 的改進比過去幾年多少少， 重新再做head stand， double lotus 算慢慢可以加入動作， 改進地方就慢慢繼續吧， 開始感受到嘈老師果句 『full primary series 可以做一世』的感覺。

水晶們， 今年新入宮的水晶們都唔少， 仲加左新顏色， 唔再係啡啡藍藍綠綠。。。 水晶療法繼續上下堂， 期待明年的新班。

香薰事業， 2017 簡直完全停止，就係接私人order 都無乜時間搞， 明年要努力D先得啦。 跟住又報左PEOT， 真係十幾年後又再讀過。。。

練琴的日子一樣的少，過埋peot，abrsm 可以諗諗佢了。

身體算係咁， 行得走得食得瞓得， 有心有力繼續做自己想做的事。

倒數的日子， 行大運又唔使使錢， 天使都叫我慳返D明年再買， 好忙咁睇住兩個直播， 人在水戶就開心囉。 明年xmas開始到年末年始要係睇live 渡過呀！