Le Creuset Private Sale 2014
Date: 4-8 Apr, 2014 Time: 1000 – 1900 Venue: Eaton Hotel 大家努力啦，今次我 Pass 好了！
萬寧印花換STAUB
今個星期大家熱話唔少得呢個 － 萬寧有得換 STAUB !
平日大家唔係等開倉、 sogo 一年兩次的助養大行動 或者係不定期的工展會之類， 都好難有機會用比較合理的價錢購內鐵鍋。
今次萬寧的換煲大行動簡直係令大家隱藏已久的數學天才重新運用。
新春必吃上元丸
因為鐘意食，就要識得整，先保証一路有得食！
今次到新年先有得食的湯丸，周太叫佢上元丸，意思大約係元宵湯丸。
跟周太學整野食最重要係聽得明果D 適量，隨心，你自己鐘意的形容詞！
不過現實生活食譜改動經常有，所以都唔使咁執著。最重要知道食材之間相互影響的微妙因素，咁就可以整出合自己心水的口味。
以下份量係今次『剛好』準備到的齊頭數。都係果句，鐘意花生咪俾多D啦。大約可以整到80-90粒湯丸餡。
凍凍地要食LC煲仔飯
終於凍少少，公仔麵煲係時候變身成最殘忍的煲仔飯（好耐無講爛gag） 材料： 米適量，水適量，大約是1：1。如想香甜D，水可以一半以湯代替。 浸20﹣30分鐘先好煮。相信你的量杯和經驗。 三文魚扒一片。睇下你個LC 有幾大，圖中係18cm，都要整斷少少先放得入。 先解凍備用，落鑊前加少少鹽、黑椒粉。 薑、䓤、蒸魚豉油適量 做法： 兩個爐可以同時進行。如果唔夠快手，可以先整魚。 魚：用平底鑊或LC 坑紋鑊，加熱落油。 先爆香薑片，再兩面煎至金黄。 可以大火少少，因為之後放飯面再焗，唔使怕唔熟。 飯：飯加煲蓋，先用中火煮至水滾，搞混一下。 轉小火煮至差唔多收乾水，放下薑片和魚在飯面，加蓋再焗多1分鐘可以熄火。 如想飯身乾少少，可以多1分鐘。 離火後焗多10分鐘就食得。 食前放䓤再撈一撈。唔想食太鹹的話，豉油可另上。 下星期可以試加少少日本米，轉整黑橋牌台灣香腸飯，諗起就流口水呀！
搬屋前的敗家 – Le Creuset 公仔面煲
果然不用sogo 助養大行動時去同人迫同人搶 Le Creuset。。。
今次終於買到細的煲，朋友叫佢做公仔面煲，仲有靚靚通花腳架！就當為新居賀賀佢！
Sogo Thankful Week
SOGO 助養大行動又開始啦！ 今次無乜心水一定要買。化粧品類一來無counter，二來買一間shop要等一粒鐘去等信用卡，真係帶夠cash先好出發。 廚房用品呢，濾水器filter 有8折，長賣長有，可以遲幾日放工再去。想買一個16或18cm的煲，Le Creuset 同 Staub 都有類似的煲，價錢都相約喎，都係899有一隻！ Staub就雙耳全色齊，Le Creuest就有單柄煲但顏色唔多。。。 諗多幾日再決定啦！